Showing posts with label சாயம். Show all posts
Showing posts with label சாயம். Show all posts

Friday, August 15, 2008

நபி (ஸல்) அவர்களின் நரை முடி பற்றி....

1510. நான் அனஸ் (ரலி) அவர்களிடம், 'நபி (ஸல்) அவர்கள் (தம் நரை முடிக்குச்) சாயம் பூசியதுண்டா?' என்று கேட்டேன். அதற்கு அவர்கள், 'நபி (ஸல்)அவர்களுக்குச் சிறிதளவே நரை ஏற்பட்டிருந்தது'' என்று பதிலளித்தார்கள்.

புஹாரி :5894 அனஸ் (ரலி).

1511. நபி (ஸல்) அவர்களை பார்த்திருக்கிறேன். அவர்களின் கீழுதட்டின் அடியிலுள்ள (தாடைக்கு மேலுள்ள) குறுந்தாடியில் நான் வெண்மையைக் கண்டேன்.

புஹாரி : 3545 வஹப் அபீ ஜூஹைஃபா (ரலி).

1512. நான் நபி (ஸல்) அவர்களைப் பார்த்திருக்கிறேன். ஹஸன் (ரலி) (தோற்றத்தில்) நபி (ஸல்) அவர்களை ஒத்திருக்கிறார்கள்.

புஹாரி :3543 வஹப் அபீ ஜூஹைஃபா (ரலி).

Friday, June 06, 2008

யூத கிறிஸ்தவர்களுக்கு மாறுசெய்தல்.

1362. யூதர்களும் கிறிஸ்தவர்களும் (தம் தாடிகளுக்கும் தலைமுடிக்கும்) சாயமிட்டுக் கொள்வதில்லை. எனவே, நீங்கள் (அவற்றிற்குக் கருப்பு அல்லாத சாயமிட்டு) அவர்களுக்கு மாறு செய்யுங்கள் என நபி (ஸல்) அவர்கள் கூறினார்கள்.

புஹாரி : 3462 அபூஹுரைரா (ரலி).

Thursday, June 05, 2008

ஆண்கள் குங்குமப் பூ சாயமிடத் தடை.

1361. ஆண்கள் (தங்களின் மேனியில்) குங்குமப் பூச் சாயமிட்டுக் கொள்வதை நபி (ஸல்) அவர்கள் தடை செய்தார்கள்.

புஹாரி : 5846 அனஸ் (ரலி).